सद्गुरु गोदड महाराज मंदीर, कर्जत

माहिती:

सद्गुरू गोदड महाराज यांचा जन्म शके १६ श्रावण शुध्द दशमी गुरुवार पुष्प नक्षत्रावर उदयपूरचे भोसल्यांच्या राजघराण्यात झाला. त्यांचे आजोळ हे कर्जत (तत्कालीन कर्णग्राम) येथे झाला. अमृतसिंह/अमृत अशी विविध जन्मनाव असली तरी पुढे ते गोदड महाराज याच नावाने सर्वपरिचित झाले. राजघराण्यात जन्म झाला असला तरी लहानपणापासून कोणत्याही भौतिक गोष्टींची लालसा त्यांच्या मनात नव्हती. वैराग्याचा विचार असलेले महाराज सतत पांडुरंगाच्या नामस्मरणात दंग राहत. त्यांचा स्वभाव निर्भय, शीघ्रकोपी पण क्षमाशील होता. पांडुरंगाच्या नामस्मरणात त्यांना आनंद मिळे.

महाराजांनी सातपुडा पर्वतावर १७ वर्ष खडतर तपश्चर्या केली, पांडुरंगाच्या भेटीसाठी महाराज पंढरपूर येथे गेल्यानंतर तिथे त्यांचा एका तत्कालीन उच्चकुलीन मानल्या जाणाऱ्या स्री कडून अपमान झाल्याची घटना घडली असे सांगण्यात येते. त्यामुळेच संतप्त महाराजांनी देहत्यागाची तयारी केली परंतु भगवंताच्या साक्षात्कारी उपदेशाने त्यांना कर्जत ग्रामी येऊन तेथे समाधीस्त व्हावे अशी भगवंताची आज्ञा मिळाली व स्वतः पांडुरंगाने नित्यनियमाने तुला भेटायला कर्जत ग्रामी येईल असे वचन दिले. आजही कर्जत येथून पंढरपूरला पालखी न जाता पंढरपुराहून कर्जत येथे पालखी गोदड महाराजांच्या भेटीस येते. नंतर त्यांनी कर्जत येथेच संजीवन समाधी घेतली. विशेष म्हणजे महाराजांनी स्वतः जीवंत असतांना ही समाधी बांधून घेतलेली होती.